Prekariáhta lávlla

Prekariáhta lávlla lea Sigbjørn Skådena nubbi diktagirji. Girjjis oahpásmuvvá sápmelaš párain Debbie ja Ian, dan rájes go álggus jorraleaba postkoloniála mierkkás olggos gitta loahpas jávkaba fas seammálágan mierkái. Girji lea juhkkojuvvon golbma oassái, akta sierra Debbie-oassi, akta sierra Ian-oassi ja akta oassi gonnes gámnaba aktii. Ii leat klassihkalaš ehpálaš árpu, muhto ovttas hábmejit divttat guokte eallima suoivvaid. Lohkki beassá earret eará čuovvut Debbie su vuosttaš 17. mai-togas ja go nuorra nieidan vásiha veahkaválddi váivviid, son beassá gullat Iana stuorimus idola Muhammad Ali birra, ja čuovvu Ian go geahččala vuoitit Sámi Grand Prix. Ja loahpas beassá čuovvulit sudno ráhkisvuođa páran gitta jámiiga ovttas mánáideaskkaguin ja veaga beatnagiin campingvovdnalihkohisvuođas Duortnusleagis. Sámegielat.

Girjjis leat referánssat postpunk-lihkadussii, vuoimmalaš  musihkkalihkadus midjas 70- ja 80-logus badjánii reakšuvdnan stuorra bargguhisvuhtii ja sosiokultuvrralaš rievdademiide mat ledje šaddan Davvi-Englánddas 2. máilmmisoađi maŋŋel. Postpunk-musihkka šattai vuohki formuleret ođđa duohtavuođa. Sápmelaš Debbie ja Ian nai viggaba dadjat juoidá iežaska eallimiid birra, muhto smávva jienat dávjá jávket máilmmi šuras.

ISBN: 82-91973-38-8
Čálli: Sigbjørn Skåden
Gráfalaš hábmen:  Tor Åge Vorren, Mediateam AS
Illustrašuvnnaŧ: 
Tor Åge Vorren, Mediateam AS
Siiddut: 
68
Olggosaddi: 
Skániid girjie 2009

Haddi: 150,-
Nuvttá porto jus oktasašsummá lea eanet go 400,- 

Sámediggi lea ruhtadan girjji almmuheami